Ormoni e …bireta
l’altro fine ‘stimana discutevo coi amici de bire.
Un de lori ga dito che la bira contien una grosa quantità de ormoni feminili!
Dopo gaverlo ciolto pe’l cul per ‘sta monada el ne ga convinto a verificar sto fato, cussì se gavemo scolado una cassa de bira a testa e questo, SIA BEN CHIARO, solo e esclusivamente per scopi sientifici e de ricerca.
El risultato de ‘sta nostra ricerca xe sta incredibile!
Difati,za dopo i primi dieci giri, xe sucesso che:
- ierimo ingrassai;
- parlavimo un casin senza dir gnente;
- ierimo imbranai a la guida;
- ne iera praticamente impossibile far el ben che minimo ragionamento;
- se rifiutavimo de ameter de gaver torto anche davanti a l’evidenza;
- ogni d’un de noi iera convinto de esser al centro de l’universo;
- gavevimo mal de testa e nissuna voia de guar;
- ierimo emotivamente instabili;
- se tegnivimo per man;
- a coronamento de tuto, pissavimo drio man e anche tuti insieme.
A ‘sto punto me par inutile tirar avanti ‘sta esperienza:
la bira contien inconfutabilmente ormoni de femina!!!